SUN搞作：Sun官場現形記：只加不減機制

「正苦」同「地下火車」完成可加可減票價調整機制嘅檢討，運輸局長炳炳煞有介事開記招，李衞仲以為今次「正苦」會威番次，壓得住隻「大口獅子」，誰不知一如以往，「正苦」往往係「無牙老虎」……

炳炳︰我好高興同大家宣布，「正苦」成功爭取「地下火車」喺六月淨係加價2.7%！

李衞︰又加價，賺咁多仲加？

炳炳︰咁又唔好齋睇一面，其實喺機制上已加咗盈利、服務表現同市民負擔力三個因素，只係計埋都係可以加價咁解……

李衞︰一句到尾，咪又仲係「只加不減機制」！

炳炳︰大家放心，今次「正苦」係要求「地下火車」同市民分享盈利。

李衞︰咁分享咗喺邊？

炳炳︰要佢設帳戶回饋，即日搭第二程有九折。

李衞︰哦，原來用幾毫子請市民搭「11號巴士」！

炳炳︰唔明……同巴士公司有咩關係呢？

李衞︰幾毫子連包都買唔到，仲唔係逼市民用「兩隻腳」行路返工放工咩！

炳炳︰@#$%^&^&&**