SUN世代：完美主義天秤座最啱做麵包

「最適合做麵包係天秤座、處女座，最唔適合係雙魚座。」KC忽然變身星座小王子，談起十二星座性格。他自稱從不信星座，不過從學徒身上發現星座很準：「我睇員工履歷表，睇番佢哋生日，發現處女座學徒都係注重整齊、天秤座學徒就完美主義者，兩者都好啱做麵包，另外請過幾個雙魚座，都太感情用事，唔注重細節，整出嚟嘅包全部唔同樣，咁樣適合喺屋企整多啲。」

至於他自己，正是適合做麵包的天秤座，不過即使不看星座，旁人都覺得他注定是麵包王子，KC的父親說：「初初係我買個焗爐返嚟試整，我整唔掂，反而佢一整就得。」對於兒子當年以高學歷做麵包學徒，他絕不反對：「睇到佢每晚返屋企都好開心，就知佢鍾意份工，有咩緊要得過個仔開心？」