SUN搞作：打橫嚟講：H7N9隨五一殺到

H7N9毒菌喺大陸內地日益擴散，每日都有新增中招個案，但佢哋高官一句「沒有人傳人」，咁就全國有錢呈強人可以四圍走，出境自由；近的，來香港澳門；遠的，到英法美加紐澳，甚至南北極。

仲有兩星期，就係大陸五一勞動節長假期，呢群還沒有「人傳人」病毒的「非帶菌者」，可以像蝗蟲咁通亂竄，全球走動。現今，有兩個願望：一，求上帝庇佑，大陸旅客個個身壯力健，無將「世紀病毒」走私出國；二，係求上帝感召大陸高官，早日宣布H7N9已有「人傳人」實證，並禁止「毒人」離境，禍延世界。

當有傳言，話前領導與家人「秘密」遷離上海，到別處避疫，咁都咪話唔嚴重！

前日，喺北京發現首宗確認染上H7N9禽流感病毒，卻沒有發病表徵的男孩，就此個案，咱們香港的袁國勇教授話「帶菌而不發病，會增加控制疫情困難」，這好易理解，因睇唔到「病樣」及「病徵」，甚至病人帶菌者自己也不知賴咗嘢，遂四出「播種」，係可預見之事。但北京嗰件衞生局副局長鍾東波則說：「如果有很多隱性感染，那麼在人群中可建立一個免疫屏障。」那是何等屁話，即係話通街騙子大話精時，嗰度就無人講大話？個個都老實有誠信？去見鬼吧！

五一長假，當一群群大陸蝗蟲襲港，我哋應學古人重陽登高避疫？或學大陸高官封殺真相，好讓自己伺機逃出疫埠險境？

高永文，你瞓醒未呀？死蠢！鬧喊你吖嗱！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府