SUN搞作：Sun官場現形記：食鮑食到飽

以貪心聞名嘅前特首曾雀屎前日突然約埋一班舊電池食飯，李衞見機不可失，梗係借啲意問吓雀屎餐飯邊個埋單啦。點知雀屎不單止唔答，仲迴避問題，不過都畀李衞套到啲料，開場！

作者：李衞

李衞：你前日食飯，邊個負責埋單？

曾雀屎：我每日都食幾餐飯喎！你講邊餐先？

李衞：你同舊電池「敍舊」嗰餐呀！

曾雀屎：電池？我搬咗屋好耐，而家個錦鯉池塘都無用電喇！

李衞：我問你同班漢奸「敍舊」餐飯邊個埋單呀！

曾雀屎：漢咩奸？我心入面每一刻都心繫家國！

李衞：你前晚喺灣仔食嗰餐呀！

曾雀屎：哦！嗰晚我行過，突然食指大動，咪上咗去坐一坐囉！

李衞：你無食飯咩？

曾雀屎：無呀！嗰晚食鮑魚飽喇！

李　衞：dge(h**~#(%&()&