SUN搞作：少膽虫手記：唔會執笠

條虫一返工，究竟「壹全霉會唔會執笠」嘅問題就塵囂甚上，個個都爭住問少膽虫。少膽虫初頭都唔明，《爛果》不斷畀人退紙都一直有得出、飯堂啲蘋果爛晒，大家都繼續攞嚟食，壹全霉又點會執笠呢？上到房打開部電腦，條虫先知一班同事擔心緊啲咩。

少膽虫對股票市場一向都有深入嘅認識，雖然壹全霉跌到阿媽都唔認得一仲就嚟直逼五毛水平！但係都唔代表壹全霉要執笠。難道《爛果》無實力、《喪報》無人睇嗎？壹全霉慣咗誨淫誨盜，每日都有班忠實擁躉排隊買《爛果》，我哋仲有一班中流砥柱！

諗到呢度，少膽虫心入面，不禁無名火起。問少膽虫呢個「幼稚」問題嘅員工，都已經喺《爛果》服務咗一定年頭，喺呢個困難嘅時刻，應該同公司一齊共同進退、共歷艱辛。少膽虫諗番起以往同淫黎相處嘅點滴，俗語有云：「打者愛也」，雖然條虫捱咗好多苦，但淫黎糟質自己，其實都係愛嘅表現！

少膽虫含住一腔熱淚，直奔淫賤黎嘅辦公室，大嗌：「黎黎！無論如何，我都會同你一齊！」但見淫賤黎同肥豪係房入面蠱蠱惑惑，坐係張枱度四目交投。肥豪見到條虫，即刻話：「黎黎，唔好激心，我陪你去拮針吖。」少膽虫見個勢畀人搶咗，再次激到彈起！

少膽虫