政壇：政商定格：王良享建議趁低位買金

近期城中熱門話題係金價大跌，好多人都心思思想買金保值，星展香港財資市場部高級副總裁王良享（Tommy）對金融市場一向有獨當一面嘅分析，佢話因為投資者short（沽）完歐債同日圓之後，要搵其他目標，於是揀中咗金，金價咪下跌囉！佢仲講笑話如果可以short樓市，香港人應該會去short喎！咁算唔算睇淡樓市呢？

Tommy話，覺得金價喺每盎司1,250美元頂得住，除非經濟出現大蕭條，有信心金價唔會跌穿1,000美元，仲話自己都可能會喺低位吸金添。至於日圓佢就睇淡喇，認為被推高咗咁多年，家陣仲有排跌。講完投資講旅遊，Tommy遲啲會去意大利睇歌劇，而韓國更係下一個目標添。