政壇：湯修齊教仔唔啱講到啱

圓玄學院副主席湯修齊（Henry）扭耳仔教訓阿仔？冇錯，不過係做戲！醉心文藝嘅香港青年聯會副主席黃夢瑩（Monin）首次執導一齣講述勇氣嘅話劇《Facing Nastbad》，內容係香港社會常見問題，包括親子關係疏離及校園欺凌等，話劇嘅編劇、導演同演員由近二十位男拔學生同家長處女下海包辦，男拔小學副校長葉胡美娟睇完亦讚不絕口。

Henry粉墨登場飾演壞爸爸一角，不過佢澄清真實世界嘅佢絕對唔會打兒女，教導一對子女嘅方法係講道理，唔明講到明為止，一定唔會郁手！Henry太太Yvonne同囡囡Athena都去做觀眾打氣，唯獨唔見囝囝Harris，原來Harris跟隨學校去法國交流。Henry話，阿仔一年去足四次海外交流，出埠仲密過佢添！