SUN搞作：打橫嚟講：香港教育政治化

今年，香港中學文憑試通識科考題，涉及「六四」、「釣魚島」和「港人向大陸捐款賑災」，迫令考生回答「愛國」及「國民身份認同」之「態度」。

在去年炎夏爆發的「反國教」運動，打沉吳克儉主導的「洗腦教育計劃」後，如今，政府不避嫌的透過文憑試公開出題，大談政治，背後意義何在呢？

若大家有點中共歷史常識的，應知道毛澤東在一九四二年的延安文藝座談會上的講話，有批令文藝要為政治服務的「聖旨」，不要以為老毛香咗幾十年便無件事，至依家，仲有好多狗奴才仍謹守主席遺訓o架！延伸到教育也為政治服務矣！

香港政府撥巨款「外判」給一些隱形特工，做大量愛國洗腦教育，由於外判工頭水準極低，搞了多年不得要領之餘，反而搞出個禍來，被全港家長和學生一拳打窒，但教育局就咁便收手嗎？當然唔會罷休啦！

在一試定生死的關口，考評局特登出這些政治題目，除了要學生下跪接受「國民教育」外，更向阿爺「交功課」。

當考生答題寫見解時，這些「最具體」的答案紙，就好比一份詳盡的「問卷」，清楚看到香港下一代人對「愛國」和「國民身份」的意見和認同，其準確程度一定好過那些不專業（九流）的低能政黨所做的「假民調」，攞住呢份「功課」畀阿爺，又可以納功和收維穩費也！

廢柴一生也是廢柴。要香港下一代聽話聽教，最好要佢哋白癡乜都唔識，而非要佢哋有政治醒覺；家陣成日搞出咁多政治風波，讓佢哋接觸同思考，阿爺畀香港班廢柴累死！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊（目及）實政府