SUN搞作：Sun官場現形記：成功爭取清潔騷

H7N9疫情喺內地似一發不可收拾，更殺入華中，有襲港之勢，所以有政黨即刻發起清潔運動，齊齊去後巷洗邋遢，仲話要再搞全城清潔大行動，李衞見到咁，仲唔即刻問一問前任大隊長─曾雀屎意見咩？

李衞︰你對佢哋嘅行為有咩評價呢？

曾雀屎︰實無我咁好，我心繫家國，希望可以日日刷……偕同市民一齊刷！

李衞︰但就咁清潔一次，係擋唔住來勢洶洶嘅疫情，你會唔會建議佢哋有其他行動呢？

曾雀屎︰有，咪向市民「派包」囉！

李衞︰吓，咩包仲勁過蛇齋餅糉，食包可以防疫？

曾雀屎︰你講咩？我話係派清潔包。

李衞︰哦，明晒喇！但有人話你以前做清潔大隊長係做騷，係雷聲大雨點小！

曾雀屎︰無所謂，咁都可以係成功爭取發展演藝事業，喺金像獎台上畀得獎者讚！

李衞︰@#$$%%^^&