SUN搞作：Sun官場現形記：底線亂噏當秘笈

白鴿黨嘅元老馬丁，早兩日突然提出二○一七年「跪底」方案，但又無端端「今日的我打倒昨日的我」，咁樣亂噏當秘笈，完全無視一班「鴿友」，佢哋梗係嬲到暈，即刻對馬丁大興問罪之師……

作者：李衞

大番薯︰你點解要講啲咁嘅嘢？

馬丁︰我用「個人身份」表達意見，咁都唔得咩？

輕姐︰你鍾唔鍾意都好，你係唔可以有個人意見……

馬丁︰香港唔係有言論自由咩？仲話我哋追求自由……

大番薯︰仲講？你衰到連隔籬黨頭目都讚你。

馬丁︰咁咪好囉，可以一家親喇！

輕姐︰親咩親，你大概做了甚麼傻事就真！

大番薯︰況且點講都好，你都唔可以違背黨嘅底線。

馬丁︰我明明跟足黨嘅底線！

輕姐︰咩話？

馬丁︰白鴿黨嘅底線咪係無底線囉，政改一役，底線隨時變，市民都睇到o架。

大番薯︰咁你轉都唔使轉得咁快o架，一日就K.O.自己……

馬丁︰有名你叫「聞主黨」，主子喺飲茶時話唔鍾意我講嘅嘢，仲唔即轉軚博歡心咩！

輕姐︰@@#$$%^^&&**