SUN搞作：網絡小說：小貪曾出征記

小貪曾的樣子遺傳了父親，其貌不揚，個子也長不高，本來無甚自信，對夜蒲也不熱衷。可是，自從Daddy撈得風生水起之後，他就像換了個人似的。那些「your face, your fate」的至理名言，也漸漸無視起來。

「小心啲呀！唔好咁夜返！」貪曾剛抹完那輛陳年平治，把車匙拋給小貪曾。「唔。」小貪曾不想多話，他現在便要開始醞釀情緒，以最煞食的氣場去駕馭夜場，萬萬不能講太多，令真氣早洩。

抵達了。場內強勁的節拍音響，使小貪曾極不習慣。他明白眼前的世界，是原始森林，是弱肉強食，是物競天擇，而不再是Daddy媽咪就算僭建也要營造的安樂窩。他保持警惕，但又躍躍欲試。他決定靜觀其變，坐在角落喝杯酒，看看單憑自己的魅力，能夠吸引多少獵物。

理所當然，他坐了半天，連一個招呼也打不到。小貪曾決定變陣，隨即叫人拿出Daddy存起的茅台，再敲鐘宴請全場。此招一出，果然有女送上門。

「Hi！你好面善喎！你咪係……」原始森林中出現豹妹，他不驚訝；他驚訝的是有人認得自己。「無錯，我就係前朝世子……」

「Oh, sorry！我對政治無咩興趣囉。」豹妹聽了沒幾隻字，便自顧自抽起煙。小貪曾被潑了滿面冷水，只得陪笑道：「哈哈，唔講呢啲喇，講吓呢支89年嘅茅台吖，我Daddy當年搭船搭飛機搵好耐都搵唔到，點知喺樓下七仔就有得賣喎，你話好唔好笑？哈哈……」他借勢攬豹妹的腰，那隻微微顫抖的手一路向下摸……

「啪！」豹妹一巴打在小貪曾臉上便走了。小貪曾呆若木雞，一番心血白費了，熱淚盈眶。

突然，貪曾在暗處走出來，安撫道：「阿仔，我貪着數、你貪色，但係你道行仲未夠，想學我咁貪到入化境，你就要學會飢不擇食，我大小通貪，你就要好醜通殺，唔好咁揀擇喇，知冇？」

作者：做好人