政壇：政商定格：盧韋柏智奪環保銀行獎

環保已成大趨勢，商業機構都爭相減排、循環再用，花旗集團香港及澳門區行長盧韋柏透露，佢哋嘅環保招數好齊備，連食晏嘅一小時，辦公室都要自動熄燈，所有香港職員更要電子化，登記使用電子月結單。

聽講好耐以前佢哋辦公室已興用一個大垃圾桶裝晒所有垃圾，之後由清潔姐姐專責處理，近年就變成清潔姐姐只係處理可以recycle嘅垃圾，一樣係分廢紙、膠類廢物、鐵罐。至於唔可以recycle嘅垃圾，就每個員工各有一個迷你版熊人垃圾桶，仲要自己倒垃圾添，咁多招數效果點呢﹖原來佢哋集團去年排放嘅溫室氣體比○五年大幅減少百分之十三點六，仲超越咗集團訂下截至一一年底減少百分之十嘅目標呀，難怪拎到彭博嘅全球最環保銀行獎！