政壇：「華叔」復活沙田做警長？

支聯會前主席「華叔」司徒華離世多年，但有沙田區議員喺社交網站自爆日前獲「司徒華」到訪，其實呢個司徒華係新上任沙田警區警民關係組嘅助理警民關係主任，因為司徒警長喺九龍城調過沙田，所以咪同啲沙田區議員打聲招呼囉。

司徒警長前日拜訪嘅係新民主同盟沙田區議員丘文俊（Man），阿Man話唔知警長係咪知道自己個名容易成為話題，好低調咁自我介紹姓司徒，大家傾咗十幾分鐘，佢都唔知「司徒華」近在眼前，之後聽同事提起先知原來同司徒華傾完一輪。同係新同盟嘅立法會議員范國威亦都講笑留言話︰「華叔復活了！」其實白鴿黨張文光過往都提過識得一位都係叫「司徒華」嘅老師，呢位老師過往返親內地都喺過關時遇阻滯。