終日匿家喪喊 受害人擔驚受怕

【本報訊】「日日同佢打招呼，真係無諗過佢係咁嘅人！」雖然相隔半年，阿明太太憶述當日遭遇，仍痛苦萬分，訪問期間她一直低着頭，神情憔悴，靠在丈夫身後，提到羅時，更忍不住哽咽。

至今仍要心理輔導

阿明太太是家庭主婦，每天送女兒上學後，就在寓所附近麵包店任兼職。羅的醫館是她上下班必經之路，久而久之，每次見面時都會點頭打招呼。事發當天，她獨自行經醫館，無意間向羅提及有關節痛問題，羅主動提出為她治療，卻被對方趁機上下其手非禮，之後她即時報警。

事件亦令阿明太太性格大變，由以往開朗健談變得內向，沉默寡言，更不敢與陌生人接觸，至今仍要接受心理輔導：「初頭佢好驚落街，要我接個女返學放學，直至個中醫判咗監，佢先至安心啲，知道個衰人（中醫）又再開業時，依家佢精神比之前仲差，成日匿喺屋企喊，神不守舍，好驚見到個中醫，又擔心再有其他女仔受害。」