SUN驚奇：少女拳手自爆 曾被友人抽水

少女飲醉酒容易「蝕底」，十六歲的阿Lok經常飲酒，曾經試過醉酒後被朋友「抽水」摸私人部位，於酒吧工作時亦經常被客人性騷擾。她表示，了解喝醉酒十分危險，現已減少飲酒分量，「覺得開始醉就唔飲」，亦減少到酒吧、朋友家中飲酒。她又指不能盡信朋友，若要飲酒亦要自己保護自己，拒絕性騷擾。

中一輟學的阿Lok早於四、五歲時與媽媽消夜時接觸酒精，至十三、四歲在朋友陪同下開始飲酒習慣，平均每周飲酒一至兩次，每次飲四、五罐啤酒。她曾試過到朋友家天台飲醉酒後被非禮，「飲咗大半支烈酒，醉到郁唔到，有朋友揭高我件衫然後摸私人部位，之後其他朋友要走，先幫我打電話畀屋企人接我。」

她在十四、五歲時在朋友介紹下到酒吧做拳手，「以為好玩、輕鬆、又唔駛錢有酒飲」，但實際工作後才發現事實並非如此，「每日要飲一至兩打啤酒，日日都醉，企唔穩，經常被客人性騷擾，同我講『我畀錢你，畀我揸幾下』，我唔肯，個人就同老闆投訴我；亦見過酒吧其他女仔肯收一百蚊畀客人摸；最驚係警察嚟查牌就一定要『走鬼』，要匿去後樓梯或雜物房，怕被警察捉到會畀屋企人知。」她又指，在酒吧工作工資每日七百蚊，比其他工作不算特別高，故工作大半年後已辭職，重回髮型屋、侍應等「正行」工作。