SUN搞作：少膽虫手記：努力退少幾張紙

《爛果》加價之後，銷量岌岌可危。淫黎見狀嬲爆，條虫今日一返工就畀人急call解釋，少膽虫驚到腳震，咁啱呢幾日係咁落雨，條虫淋雨淋到成身濕晒，望住身上滴落嚟嘅雨水，忽然爆咗句：「係因為落雨，所以影響銷路！」淫黎一聽到，靜咗兩秒，少膽虫以為今次有救！突然，淫黎直瞪住條虫，少膽虫感到一襲殺氣朝他而來……

「你條賤虫！落雨唔使出糧呀？落雨唔使出櫃呀？呀唔係……出千至啱！」少膽虫見到淫黎咁嬲，知道自己又衰咗，即刻唔敢直視淫黎，縮到狗窿裏去。「賤虫！你仲有咩解釋？」少膽虫抬起頭來，極目遠眺壹全霉大樓外面嘅堆填區，諗咗一諗，腦細講嘅說話，有啲道理。少膽虫即刻兜番，「黎黎，我錯了！前日你教人扭軚單嘢，我會叫啲虫仔努力做好佢o架喇！」

淫賤黎聽到呢句，對淫眼嘅怒火熄咗一半，條虫再乘勢而上，「其實依家嘅銷量一日好過一日o架喇，周二退少咗一張紙，周三又退少咗兩張……黎黎你知啦，我哋不嬲畀人退成坐山咁高嘅紙o架嘛！」

但見淫賤黎眼入面嘅怒火再次升起……

少膽虫