「一份糧四人用」 為生計好徬徨

【本報訊】每個人背後都有個故事，五名因「秘撈」而面臨「炒魷」的消防員亦一樣，消防工作雖為他們帶來穩定收入，但他們家中或有長輩需照顧、或要供養弟弟讀書，當日兼職是想令家人生活改善，詎料惹起軒然大波，自言家庭經濟狀況欠佳的姓許消防員指幸得現有的消防處收入，才可勉強支撐家人及有長期病患的祖母的生活費及藥費：「冇咗呢份工，好擔心生活唔到落去！」

姓許消防員於中學畢業後從事過搬運、地盤、售貨員的工作，收入不高，其後考取了游泳教練及救生員牌，為投考消防員鋪路。在外間打滾了八年，○九年終如願考入消防處成為消防員。

「幫吓手」做兼職惹禍

他指父親已退休，祖母又有長期病患需照顧，消防處的收入，為他支撐家人的生活費、雜費及醫療費，加上熱衷救急扶危的消防工作，一直緊守崗位，當日答允做兼職是本着「幫吓手」及想減輕家庭負擔，卻因此惹禍，有機會失業：「到時都唔知點支撐屋企！」

另一名姓葉消防員亦指需照顧失業的父母及待業的弟弟「一份糧四個人用。」現感覺徬徨：「我好鍾意呢份工，覺得有份使命感……如果真係冇咗份工，我都唔知可以做啲咩！」