誰明老師心：男生的浪漫

為何男生之間的相處總會先「郁手郁腳」？以我班的怪獸為例：浩仔和阿龍經常出雙入對，浩仔喜歡搭着阿龍的膊頭，把阿龍的臉「搓圓撳扁」，但阿龍仍然保持笑容，繼續「任人舞」；阿光則經常把偉仔書桌上的東西掃跌，偉仔於是推阿光埋牆角「打」起來。最經典的，莫過於兩男在走廊遇上，就會大叫「咩呀！」，然後互相推撞，繼而「擸架生」用手上的任何東西打架。這可不是近年才有的現象，讀書時代我唸男女校，常看見男生喜歡圍着一些看似「容易欺騙」的對象起哄，然後大家扭作一團，而被欺負的卻竟樂在其中。我真的不明白，這有甚麼好玩？

「男仔之間溝通就係咁o架啦。」阿龍很認真地說。

「講多無謂，打咗先算，男仔要有『力的表現』先有型！」偉仔沾沾自喜。

「吓？咁玩法好易整親o架喎！真係唔明你哋！」

「車，正如我哋唔明點解你哋啲女仔鍾意約埋一齊去廁所之嘛！」四人齊聲叫道。

咦，又係喎。我當年也有相約同學去廁所，究竟為甚麼會這樣？