伍華鳳姐回巢學生雀躍

【本報訊】「鳳姐，好開心再見到你呀！」早前獲天主教伍華中學學生網上發起千人罷食行動支持，要求該校擔任小食部店長的李彩鳳(鳳姐)繼續留任，昨獲承辦商安排返回原崗位，學生們在小息時間重遇鳳姐，無不雀躍，各人更承諾會自律守規，不再要求她在上堂時間出售蒸餾水，令她「難做」。伍華學生心目中的小食部「媽媽」鳳姐坦言，對一夕間成為新聞人物的心情複雜，既擔心影響學校及公司聲譽，另方面亦感激學生對她的厚愛。

該校學生會副主席羅浩育稱，鳳姐深受學生愛戴，全因她對學生無微不至的關懷，「有時我哋喺學校溫書溫到好夜，鳳姐會自己出錢買嗰日賣剩食品同飲品請我哋食，學生會有活動，就算前一日係假期，佢都會返學整定嘢食。其實佢打份工，無必要咁做，所以真係好感動。」