政壇：政商定格：晏紫極速收身戰全運會

有「中國舒拉寶娃」之稱嘅網壇國寶晏紫嫁入豪門，係「玻璃大王」信義玻璃李賢義新抱，但晏紫唔想做少奶奶，有心喺全運會再度爭勝。生咗囡囡至今已十四個月，佢亦極速收身投入艱苦訓練，備戰仲有五個月就舉行嘅全運會。

剪咗一頭型格短髮嘅晏紫，尋日現身東華新一屆董事局就職禮，為總理老公李聖根做啦啦隊。李聖根話，太太練得咁辛苦，一到周末就陪佢行街Shopping，佢哋愛情結晶Iza就遺傳咗父母嘅運動細胞，依家已經鍾意拎住個迷你球拍，打得似模似樣。近排內地鬧奶粉荒，李聖根每次往返中港兩地公幹，例必帶兩罐奶粉，佢笑言因為往返得頻密，存貨夠晒食。