SUN搞作：Sun官場現形記：周一鑊發功

全城無人唔識嘅周一鑊畀人揭穿咗原來佢係無心無力嘅翻閹廢官，周一鑊知道之後大發雷霆，今日李衞就深入敵後，聽到一段對話，大家快啲睇吓內幕啦！

周一鑊：知唔知我辛辛苦苦灌水送禮，先至翻閹成功o架？

誠信首老：（滴汗介）火由風生，依家班關注團體有人撐，要處理有啲難度。

傳聲筒：周先生，佢哋話咁耐，都無見過你一面，想同你嚟一次親密嘅對話，所以先咁講。

誠信首老：（滴汗振驚介）唔可以亂……

周一鑊：佢哋喺獅子山下，而由城堡落山，都有一段頗遠嘅路程。

誠信首老：周先生，你嘅意思係……？

周一鑊：一定要延續發揚廢官精神，平機會呢份工亦都要繼續做！

傳聲筒：佢哋話再係咁落去就會搵美國人出手，對你打壓！

周一鑊：哼！總之有我一日喺度，我都會一步不移，而佢哋都唔好兇我，以為可以扮泰山壓頂！大不了我搵金正恩一齊同佢玉石俱焚？呢個係硬道理！