SUN搞作：網絡小說：腦殘鬥室

「你係邊個！劫色好喇，無財畀你！」

淫黎被鎖在四目無人的倉內，雙手反縛在椅上，動彈不得，只能力竭聲嘶。

「哈哈哈！遊戲開始！」一把怪異的聲音傳來。淫黎驚哭：「我送壹全霉畀你，唔好殺我！」

「呸！」怪聲不屑道：「死到臨頭，你仲想金蟬脫金殼，借啲意甩晒啲債務？真係個腦short short哋！」

淫黎垂頭喪氣，苦笑問：「咁你要玩咩花式？」

「肚餓未呀？食飯喇！張開你嘅臭口，大啲呀！」

一陣香味飄過，淫黎也着實感到餓，稍微張開了小嘴。哪知道愈聞愈香，鼻水口水全都流了出來，竟然像上了癮似。雖明知是加了料，淫黎終於把持不住，狂呼：「全部畀晒我！連埋啲精華畀晒我！」

此時，椅子突然伸出兩條機械臂，戳穿了旁邊的米袋，夾出一包狗餅，舉到淫黎鼻根前停住。

「很想要吧？但係我唔要你嘅爛果，點算好？」怪聲質問。

「咁我賣……賣seafood！我咁多生意，去海邊捉啲魚蝦蟹賣，畀番錢你！」淫黎哀求。

「seafood？你嘅seafood又臭又生瘡，畀我都唔要！」

「唔係呢，你試吓就知，我做生意唔作大，最多老屈！」

「算喇，你咁想食我嘅餅，一次過塞晒畀你！」機械臂立即夾來一大堆狗餅，掌部倒勾又作360度旋轉，發出閃光與「滋滋」聲。

「黃皓！」淫黎高叫古人名字，並非發思古之幽情，而是機械臂辨認錯誤，誤闖了兩個鼻孔，故大叫洋文「Wrong hole」而已。淫黎流住鼻血，心裏希望這只是自己腦有事……