政壇：政商定格：廖偉芬赴法捱苦學整包

話說廖創興家族後人Jennifer廖偉芬有建築師唔做，年前走去賣精品咖啡，成功進身做「咖啡皇后」。月前又孭起背囊跑去巴黎著名廚藝學院Le Cordon Bleu同Alan Ducasse上堂，學整麵包一個月，由搓麵粉、焗包學起，日砌麵粉六個小時，搞到佢膊頭、手腕痠痛。

法國人視法包為「國寶」，整包只准用四種材料，就係麵粉、水、發酵粉同鹽，每條法包嘅長度同闊度都有嚴格要求。起初學搓包，佢雞手鴨腳，整咗兩次都失敗，直至第三次先過關，真係搓到手軟。回港後，佢有意革新旗下餐廳嘅麵包部，由以往向供應商取貨，改為製自家出爐香噴噴麵包。幾時整包畀男朋友食？佢怕醜咁話：「我都想，不過依家仲未有男友。」