政壇：政商定格：祈福孟麗紅唔搞港地產

內地房地產近年發展相當迅速，吸引咗唔少香港買家北上置業，祈福集團副董事長孟麗紅同老公一齊投資發展嘅祈福新邨就係其一，依家佢哋嘅地產王國已經擴展到廣州、番禺等地，早前孟麗紅現身一個酒會，問佢有冇計劃將王國拓展到香港，佢就話冇考慮嚟香港投地，因為唔夠本地嘅大型地產商爭喎！

打扮優雅嘅孟麗紅呢句話真係太謙，呢晚佢同中山市海外婦女聯誼會常務理事孫程禮慶好好傾，孫太其實來頭唔細，因為佢老公孫必達係孫中山嘅曾侄孫。酒會上仲見到青聯賢慧社主席羅詠詩，佢透露青聯常務副主席霍啟剛太太郭晶晶將於下月五日將帶低收入家庭嘅小朋友，免費暢遊海洋公園。