查詢熱線打爆社署職員躁爆

【本報訊】社署前線人員亦因長津「躁爆」，自展開「自動轉換」計劃起，社署平均每日接獲六百多個查詢，令前線人員忙個不停。

華員會社會保障助理分會主席成智媛表示，社署就長津查詢增多而增派人手，包括由早前十條熱線增至十五條和一條專線，以及在三十九個辦事處各增加一個臨時工，惟她認為人手不足情況比首階段時更為嚴重。「打嚟查詢嘅長者有多冇少，實際嘅工作量每每超出部門預期，電腦系統好嘅都話吖，好多嘢都係人手解決咋！由頭到尾，佢哋（社署人員）都係咬緊牙關！」據了解，社署中央處理組需處理約二十九萬「自動轉換」個案及估計約二十九萬透過「郵遞提交申請」個案。

成智媛補充，第二階段的黃色通知書須申請者自行填寫，前線工作人員更要肩負教填責任，但長者多因申請資料不齊全而拖長填寫時間，「有啲長者唔係同仔女住幫唔到填寫；有啲係唔想仔女知道有幾多資產，所以統統搵我哋幫手！」