SUN世代：醬油廠儼如香港博物館

四、五十年代的醬油桶、烹煮豉油用的石爐，令Edwin的醬油廠儼如活的文物館，部分昔日的用品更藏於澳洲博物館內，而其醬油廠更不時開放予學生、旅行團參觀，讓普羅大眾能了解醬油業。他說：「我哋喺香港起家，飲水思源，希望世世代代喺香港發展，請番香港人。」所以他堅持生產的醬油要百分百香港出品，根在這裏，情在這兒。

醬油廠於一八九八年創立，廠內的一事一物都見證歷史。Edwin指着廠內一個木桶說：「以前就係用呢啲木桶裝老抽，運去美國、澳洲等地，木桶上面仲刻咗老抽兩個字，部分喺澳洲發現，已經畀澳洲政府收藏喺博物館。」

除是歷史見證，醬油廠更是Edwin與姊姊及妹妹的成長地，他說：「細個都係喺呢度學識踩單車同游水，嗰時老竇會將運貨嘅鐵槽，入滿水，畀我哋游水呢！」