on.cc 東方互動主頁

SUN世代：濃情豉油王

以心對待，用人情抵抗時代洪流。三十五歲黎定顯（Edwin）讀電腦出身，最愛新事物，偏偏身處百年醬油廠家族，當上第四代傳人，將清朝至今基業擔負肩頭。昔日祖父輩加入糖鹽酵母，將黃豆變豉油，今日他將人情當酵素，與父親推動公司自動化，更曾因恩情推掉訂單，濃厚人情味令員工甚至顧客都願意走多一步，生意有增無減，讓醬油多添一分暖意，令味道昇華。

走進醬油廠，工程處處，這百年老字號銳意走向蛻變一頁。「呢度擴建曬場，嗰度測試緊新曬黃豆方法，呢啲係新引入嘅包裝機。」Edwin四周介紹工場規劃及製作最上等醬油方法，「先加酵母將黃豆發酵，再加鹽水曬三個月，抽出來再曬三個月就成為頭抽。頭抽曬一年就會成為最濃兼有豆香嘅粒仔清，依家發酵過程已經系統化。」

要在逾百年歷史醬油廠推行翻天改變，當年二十出頭就於家族幫手的Edwin認為，人情就是最好的祖傳秘方：「你對人好，人哋就肯幫你，你有班底就可以令公司發展。我阿爸嗰代對夥計就係有份情，以前有老工友喺香港無親無故，佢退休之後，阿爸會起間屋畀佢哋安老。」縱然是太子爺，他與同事亦相敬如賓，他說：「你靴咁大個鼻，邊有人會幫你。依家大家都想行多一步，希望幫到公司，例如同事見其他行家加價都會同我講聲。」

除重情外，他亦重義；曾有入口商率先將其產品打入韓國市場，故日後即使有其他入口商叩門，甚至開出優厚條件，他仍不為所動，將獨家供應保留給「恩人」。Edwin說：「因為佢係開荒牛，將我哋產品打入韓國市場，對我哋有恩，我唔會因為其他入口商加多百分之十至二十嘅利潤而供應畀其他人，我仲幫佢擋水貨，唔畀人帶貨入韓國。」此舉令入口商更落力推銷，三年間，銷售韓國的老抽銷量由一個貨櫃共七噸半貨量，升至四個貨櫃共三十噸。

不過，他亦試過因為重感情而被出賣，令公司損失了數十萬元。「真係好傷心，我一返公司幫手已經識佢、當佢兄弟，有段時間阿爸話佢有問題，但我太信佢，好着重同佢嘅關係，到我哋認真對帳目，先發現佢走咗幾十萬數，最後要報警。」現在，Edwin仍願意相信別人，只是這回學精了，不再盲目相信。

歲月累積溫情，Edwin與父親用情誼贏得了一張張的訂單，現時本港使用他們醬油的食肆公司已有八千間，全球入口商亦逾四十個。不過，他未自滿，「一定要好過以前」。希望繼續以溫情打天下，展望將來，他笑說：「好似粒仔清咁，曬得愈耐，愈有味道。」

你對人好，人哋就肯幫你，你有班底就可以令公司發展。