SUN搞作：Sun官場現形記：梵音X耍太極

呢排陸欽機頻頻被飯民圍攻，講嚟講去都係嗰幾句，好彩得到幾位「兄弟姊妹」幫拖，過骨話咁易！呢樣嘢真係好值得「嗔普損聯盟」學吓，狗咬狗骨邊度掂？不過李衞收到料，陸欽機原來同人一早已經傾定咗點應付，台戲先至可以做得咁好……

陸欽機︰點算，日日被啲飯民圍插，唔多掂喎……

元秋︰唔使驚，我武功高強，實睇住你！

陸欽機︰有咩用，唔通你可以郁手打人？

元秋︰哼，我一下「獅吼功」，即刻震開啲人，有……咩……錯……

陸欽機︰我就係日日都重複用「梵音」，結果畀人話廢噏喎，而且幫主嘅音波功都唔係差！

黃叮乾︰無事嘅，我哋猛撳掣問嘢，佢哋無時間搞你嘅！

陸欽機︰唔係喎，飯民日日掟嘢，腕力勁過人，好難快過佢哋……

黃叮乾︰怕咩，我哋夠齊心，用人海攻勢就K.O.班面和心不和嘅友仔喇！

陸欽機︰但係，我仲有啲……

元秋︰你咁嘅樣，我教多你一招！

陸欽機︰咩招咁巴閉？

元秋︰耍……太……極，帶人遊花園，同你嘅「梵音」有得揮！

陸欽機︰@##%%^^&&***