SUN搞作：少膽虫手記：不用熄燈 員工拍手

淫黎上次含淚宣布「我要回家了」，言猶在耳，依家又死撐喺台灣生根，真係唔怕面懵！少膽虫尋日返堆填區，樣衰到又用十九才子嗰招廁紙包頭返工。

「少膽虫！」淫黎大叫，「壹全霉咁窮，你知唔知廁紙幾錢一張呀？用多呢兩張廁紙，壹全霉都會破產呀！」少膽虫用手指篤兩個窿，凸咗兩隻眼出嚟話：「老細，個個都追殺我，會唔會裁員……」「嗱！你同我喺《少膽虫手記》度寫，依家台灣民眾唔使關燈，都唔知幾高興！」淫黎仲嘴埋少膽虫隻耳度講：「唔大規模，陰啲陰炒囉！」「老細！但旺仔唔要你，邊度有錢？」「正義傳媒咁勁，橫掂都鬥唔過，摺Q咗佢啦！」淫黎講到大大聲，成班員工垂頭喪氣望過嚟，好想將淫黎打鑊甘。淫黎見狀即玩挑釁，「夠膽就郁手！裝晒cctv o架！」同事敢怒不敢言，但見fing春阿蘇擺晒架式，手震震咁學洪金寶話：「為兩餐，我可以忍……」

淫黎發晒窮惡，一手「的」起少膽虫，「少膽虫，睇死你冇膽打我啦！」少膽虫火鬼滾，但強作鎮定，「老細，依家幾點？」淫黎一睇錶，將手反轉，少膽虫跌落地，「就快三點！」少膽虫聞言，笑聲響遍堆填區。「少膽虫，你short咗呀？」「老細……哈哈…老……」突然，壹全霉大樓停電，唔使撳熄燈掣都黑晒，同壹全霉前景一樣！少膽虫愈笑愈狂，狂揼淫黎，員工一擁而上，阿蘇一招日字衝拳連環而出，打得淫黎叫痛求饒，「唔好！停……」大概淫黎拮完脷口齒不清，員工承佢貴言，打到「唔好停」！

點解無啦啦停電？哈哈！壹全霉無錢交電費好耐，cut電呀！同事聞言叫好！真係「不用熄燈，員工拍手」！

少膽虫