政壇：政商定格：周振基破戒食潮州鵝肝

潮州商會會長周振基早前帶隊訪潮汕三市，同行仲有佢個仔周博軒、副會長張成雄同林宣亮等。此行除參觀潮汕名勝古蹟，唔少得品嘗地道螄蚶、凍蟹、蝦丸、煎蠔餅、鵝肝等。原來佢戒食內臟二十幾年，但睇見潮州鵝肝咁新鮮，終於破戒夾咗一片，回味無窮。周太錫住老公，經常叮囑佢少飲汽水，又安排佢定期驗身，最近一次檢查結果，「成績」靚絕，秘訣原來係每周健身，周太近日仲拉埋老公齊學「排排舞」，夠晒Sweet。