SUN世代：圓夢背後：喪父 早產

今年一月，Annie首個個人假髮展覽圓滿結束，贏盡口碑。但成功背後的辛酸，卻遠遠超出他人想像，「上年初有機構同我接洽，當時預算用一年時間籌備，但估唔到籌備工作開始無耐，我就懷了身孕，預產期仲係展覽前一星期。」

突如其來的小生命，令Annie的籌備工作變得吃力，但更大的影響，卻是父親遽然離世，「爸爸喺上年十一月過身，當時因為預備展覽，要中港兩邊走，令我陪唔到佢行最後一段路，佢亦都無機會見證我開首個展覽。」父親離世加上工作壓力令她早產，第三個兒子比預產期早了足足個多月出世。

「雖然當時身心狀態都唔太好，但既然應承咗，就要全力以赴做好展覽，唔可以畀自己任何藉口。」孩子剛出世，她就透過電話、短訊遙距指令同事繼續籌備，甫出院她立即重投工作，「總算順利完成今次展覽，感覺就好似兩個仔同時出世。」Annie的嘴角，此刻泛起了一絲滿足的微笑。