SUN搞作:打橫嚟講:考評局反智考妖音

近十五年來,每凡提及香港教育問題,總是火都嚟埋。

眼見那班低能白癡的教育局高官,個個月逗緊香港人嘅錢,卻無止境地禍害咱們港人子女心智,殘損他們學習能力,摧毀下一代競爭力和社會發展,怎叫人不詛咒呢班粉皮祖宗十八代呢?

遠的不說,就拿今天「中學文憑試」的中文科口試,已見班九官如何反智低B,佢哋居然要學子考粵音朗讀。一篇五百字左右的文章,考核朗讀時的語氣、節奏和讀音,而其中有九個字,會特別計「正音」讀法的,邊九個呢?不會刻意註明的,所以,五百個字都有中招的機會!而考評局亦從無公開「正音」的參考書供學生學習,又唔知嗰班低B嘅教官以乜叉準則,或邊叉個「正音專家」作權威檢定,在毫無依據情況下,考評局一言堂話晒事,學生的前途任人宰割魚肉。

全球的考試,從沒要當地學生考朗讀佢哋的方言母語,世上,只有香港如斯荒謬。嗱!英國會否要考生考劍橋音或牛津音o架?連怪事連篇的中國大陸,也不會考上海學生滬音、湖南湘音呀?咁都唔止喎!香港教育局班九官仲黐線到玩「字音復古」,要將「滑」稽讀「骨」稽、「餿」水讀「叔」水,粗「獷」讀粗「廣」,簡直係謀害人類智慧。

呢啲所謂「正音」,根本就係「音妖何大師」拿着宋朝時一本番書胡謅而成的「妖音」,而批准玩殘香港學生的正是當年考評局主席吳克儉!死未?

彭志銘

次文化考古學家,對城中潮語有深入研究,博徵博引,廢官廢人行埋一邊。

歡迎add我facebook一齊(目及)實政府

第一手消息請下載on.cc東方互動iPhone/iPad/Android/Windows Phone Apps