SUN搞作:Sun官場現形記:氹老細識法

位未坐暖頭就痕!經常自詡為女強人嘅淋淨遇強愈弱,唔知點樣搞掂班雙非。李衞八到佢走咗去請教同佢拍住上嘅屍律長,屍律長仲醒咗條好橋畀佢,教佢「一路向北」嘅官場必勝秘技!真係要同讀者分享吓……

淋淨:啱啱OFFICE樓下班人先返屋企,啲雙非就搞到我頭痕,你話點算?

屍律長:使乜驚,阿媽喺大廳!我幫你諗好o架喇,有咩事咪請教阿爺囉!

淋淨:呢招WORK唔WORK o架?一陣「慎普損聯盟」又嚟OFFICE樓下靜坐,一個唔該激嬲我哋最有誠信嗰位上司,我隨時位都未坐暖就要預備腳痛……

屍律長:你真係太無遠見喇!須知道上司佢唔止最有誠信,仲好識睇顏色!你見唔到佢枱頭放咗張相,寫住「我爸是梨肛」咩?梨肛,西環人也,好大紫大紅。上司就係知道梨肛鍾意紅色,於是三日唔埋兩日,就送啲紅色嘅禮物畀佢,再唔係問佢一啲關於紅色嘅問題,所以佢咪咁穩打穩紮囉!你要學吓觀言察色喇,今次跟我學嘢啦!

淋淨:但係之前嗰個去過法國讀書嘅鬼佬老細教我咁樣有損法包精神喎!

屍律長:依家新人事新作風,有奶便是娘,有糧出的便是主子嘛,你說對不對(轉蝗語)?搞掂雙非立咗功,我哋一定大把前途!

淋淨:你又講得啱嘅……

屍律長:況且我哋又隨時走得佬,真係撈唔掂咪遠渡他鄉搵番之前個老細囉!

第一手消息請下載on.cc東方互動iPhone/iPad/Android/Windows Phone Apps