SUN搞作：少膽虫手記：壹場不做得的交易

「啊！啊！啊！」半夜呻吟之聲起伏，係淫黎把聲。少膽虫學膠燈口吻從耳邊低喚﹕「pish！pish！」少膽虫輕輕幫推，淫黎臭汗淋漓，十指抓床，口咬被單，狀甚痛苦。「我個股呀！好痛啊！好痛啊！」淫黎雙眼反白之際，突然，值夜編輯肥豪衝入嚟！

「老腫！正義傳媒改版……」「醒少少啦！照抄呀！靚相照用！」「老腫……」「又點呀？」「不過，正義傳媒A1頭上頭係《台壹交易難產收場》喎！」少膽虫真係老羞成怒，尷尬過上次聽到《爛果》A1大題錯字，將「陋」字印成「陃」字咁，搞到即刻改版收紙，醜「陃」到要搵窿捐！「唔改啦！我哋攬炒啦！」少膽虫「拍抬」大叫，點知「啪」一聲拍咗落淫黎心口，痛得淫黎嘔血。

話時話，正義傳媒消息不嬲好堅，唔似得壹全霉咁老作。少膽虫即時掀起條裙睇！嘩，淫黎竟然攝咗大枕頭扮大肚！咁樣都作假，唔怪得正義傳媒未卜先知！

「點解會難產嘅？」淫黎好失望。這時，不知那裏竄出個蔡小明，「淫黎，你點值咁多億呀？口頭交易當真呀？」淫黎唔知係真心膠定假膠，兩眼通紅問﹕「唔係kiss都會有BB咩？點解口頭交易會難產嘅……嗚嗚嗚嗚……」在旁醫生見狀，叫淫黎伸脷，少膽虫大叫﹕「條脷冇毛！」醫生話﹕「冇錯！條脷冇毛！佢已經冇晒『毛脷』(gross profit)喇！」隨即淫黎又大嗌要針舌……「我要拮脷！我要拮脷！」醫生搭訕話﹕「拮脷都唔會吉利喇！迷信好意頭係冇用o架！你以為食咗『旺咗牛奶糖』就會旺？咪又係畀『旺咗』出賣……」少膽虫此刻俯視淫黎，覺佢好可憐，就喊咗出嚟。「你喊呀？」淫黎輕抹虫淚。少膽虫前景茫茫，強忍淚水，「我只係多嘢做到喊啫……」

少膽虫