政壇:張浚生訪中總探老友

原新華社香港分社副社長張浚生自九八年退任副社長後,間中都會來港出席活動。近日佢以浙江大學發展委員會主席嘅身份聯同數名浙江大學職員,到訪中總探望一眾老朋友,見佢個樣都冇乜點變,期間同中總會長楊釗暢談,開懷大笑。

楊釗話張浚生係中總同香港嘅老朋友,為香港回歸作出唔少貢獻。至於浙江同香港經貿關係又好密切,加強中港合作又係中總其中一項重點工作,所以中總會繼續喺發展香港同長三角區域嘅經濟合作發揮橋樑角色。張浚生就話「一國兩制」已實施近十六年,得到好好嘅貫徹,相信香港定會繼續繁榮穩定。佢話中總舊年曾考察浙江,並順道向浙江大學捐款同參觀校園,希望雙方會加強交流聯繫咁話。

第一手消息請下載on.cc東方互動iPhone/iPad/Android/Windows Phone Apps

張浚生(左)難得到訪中總,同老朋友楊釗談得開懷大笑。