李嘉誠：愛國要有貢獻

【本報訊】全國人大常委會法律委員會主任委員喬曉陽日前提出特首必須愛國愛港，不能與中央對抗。長實主席李嘉誠昨於業績發布會上指出，「愛國」要「講真話、做實事、有貢獻」。李嘉誠又批評關愛基金只向地產商募捐「未夠普遍」，自己則已向關愛基金認捐了五億元。

李嘉誠被問及對政府表現、普選問題及特首梁振英由樓市至奶粉頻出「辣招」是否涉干預市場，李沉思一會後指出，對政府要公道一點，政策亦要看多一段時間。對於愛國，李嘉誠認為應指「講真話、做實事、有貢獻」，他每天都問自己「對唔對得住香港」。至於佔領中環的建議，李嘉誠指他未有準備，故不作答。

李嘉誠又澄清每月「密會」董建華的報道，指「我一生去佢(深水灣)屋企，到今日一定唔超過三次！」指自己亦曾到禮賓府與梁振英共膳，說特首選舉已過，做人要胸懷大志，不能因別人「藐一藐嘴你就同佢終生結怨」。

李嘉誠又認為，關愛基金雖是好事，惟募款參與未夠普遍，笑言「最緊要唔好淨係搵地產商捐」，應向要各行各業募捐才算成功。他指自己已認捐五億元予關愛基金。他又說自己熱心公益，過去基金會已捐出一百三十億元，遠超長和系所派股息。至於未來會否倣效恒基主席李兆基捐地，李則指「唔需要人家做咩我一定做」，「我係做實事嘅，但唔係表示人家唔係做實事喎﹗」

李嘉誠近年增持長實次數減少，昨被問到原因為何時說﹕「喂﹗我都要有啲錢我要用o架，基金會又要用，邊個仔要develope啲新生意又要用。」對於有記者說暫未見其兒子李澤楷有新發展時，他說：「你知道佢用咗幾多錢呀？已經畀咗人嘅都超過一百億呀！」