政壇：政商定格：王利民為征北極跑冰房

自言「跑數同跑步一樣咁叻」嘅康宏理財主席Quincy王利民，下星期會與同事分道揚鑣去跑馬拉松，佢去挑戰北極嘅寒風，十位同事就去熱力逼人嘅撒哈拉沙漠！

話說前年Quincy先去完撒哈拉跑馬拉松，依家坐唔定又想突破自己，佢講笑咁話：「兩地嘅溫度可以相差成100度o架！」呢次佢去北極跑四十幾公里長跑，預計要跑七至八個鐘頭。佢話為咗適應吓啲溫度，會先喺冰房跑步，預習吓咁凍嘅地方。為咗慶祝康宏成立二十周年，佢同班同事嘅奮鬥經歷，將會被製作成叫做《極地狂奔》嘅電視節目，真係保險界嘅第一次啦。