City Parade：精英薈萃
一年一度嘅馬壇盛事「香港打吡大賽」，吸引十四匹四歲精英賽駒齊集沙田馬場，爭奪高達一千六百萬元的總獎金，及一生一次嘅打吡榮譽，一眾名流巨賈、演藝界名人齊吶喊打氣，見證打吡桂冠誕生。政商界春茗派對，仍然排隊上！雲集城中富二代及青年精英嘅北京海外聯誼會青委會，日前喺灣仔皇朝會聚首一堂，眾兄弟姊妹放下拘束，比併酒量，又鬥估歌仔，不醉無歸。
打吡大賽
俊男美女
待嫁嘅名模汪圓圓（左起）與家姐汪詩詩、藝人馬德鐘及馬太張筱蘭悉心打扮到賀。
禮帽夫妻
太子珠寶鐘錶執董朱繼陶夫婦（左一及二）戴番頂禮帽配合大會主題，旁為東源大地物流公司老闆王嘉恩夫婦。
打吡大使
影星甄子丹（左）擔任「打吡大使」，寶馬汽車（香港）有限公司香港區董事總經理曾耀民送番份紀念品多謝佢。
鍾情型車
東華前總理王賢誌對揀車要求高，首選型格跑車。
北京海聯會青委春茗
幹勁十足
信置主席黃志祥次子黃永龍（左）剛由美國留學返港，現幫手打理家族租務生意，「公職王」鄭慕智千金鄭慧恩都讚佢幹勁十足。
年輕有為
經緯集團執董陳丹丹（左起）、專資會理事楊素珊同廖創興企業有限公司執董廖坤城都係年輕有為嘅富二代。
新婚之喜
廠商會會董周紹榮（右二）啱啱做咗新郎哥，身為好友嘅金至尊珠寶企業拓展部總監吳景瀚（右一）、胡漢輝集團董事胡建邦（左一）及元朗區議員周永勤（左二）齊祝賀佢告別王老五生涯。
歡聚一堂
春茗宴上，城中富二代聚首一堂，左起馬主黃僑福、北京市政協蔡志婷、麗輝國際控股執行主席李胥、行會成員林健鋒公子林凱章、北京海外聯誼會常務理事施榮懷及百仁基金副主席吳國榮。