政壇：黃浩鈞遊杜拜親親海豚

餐飲聯業協會會長黃家和公子黃浩鈞（Howie）同太太Iris舊年結婚，未度蜜月已懷咗龍女，結果佢哋嘅蜜月都押後咗。愛女Olive轉眼半歲喇，Howie上月就同太太遊中東杜拜七日補度蜜月，參加咗好多當地特色活動，有日更登上一艘古老小艇吹海風歎咖啡，體驗昔日漁民生活。

Howie試飲埋以駱駝奶沖泡嘅奶茶，佢話呢種奶茶嘅奶膻味頗重，都係港式比較對胃喇。呢次旅程佢哋選擇住喺七星級嘅阿特蘭蒂斯酒店（Atlantis Resort），內裏有個「大魚缸」供遊客觀賞人工海洋生態，Howie難得與海豚一齊暢泳，期間仲忍唔住親親海豚添！