SUN搞作:少膽虫手記:踐踏新聞道德

少膽虫日前喺會議室睇緊直播,電視播緊肢體衝突片段,片段中,個兇徒對個男人拳打腳踢,推倒在地,再用腳猛力踹在胸口,又係要置於死地的打法,少膽虫即時斥便衣暴徒離譜,在場不食蘇眉的同事大呼:「唔係離譜,係離Q晒譜。」這種情況似乎陸續有來,不知不食蘇眉的同事會多幾個Q。

點知鏡頭向上移,但見個兇徒係淫黎,少膽虫與同事都O嘴,原來被踩嗰個叫「新聞道德」,幾乎畀淫黎一腳踩瓜。少膽虫睇番正義傳媒報道先知,原來兩單殺父案,壹全霉一係屈警毀證,一係專訪候審被告,隨時又畀律政司告。

這時十九才子安慰少膽虫,「怕咩呀?壹全霉成日都作新聞喇!上到庭罰款又唔係你畀!」少膽虫即時拍枱,嚇窒全場人,「依家壹全霉欠幾多億呀,賣盤勢難產呀!佢有錢?到時咪扣我哋人工囉!」

此言一出,個個we嘩鬼叫驚要減薪,少膽虫眼見勢色不對,偷偷用卷廁紙包頭,學周星星咁:「你睇我唔到……你睇我唔到……」然後竄出會議室,神不知鬼不覺。突然,有人大嗌﹕「少膽虫!」把聲係懵橋,少膽虫即時執生:「認錯啦!我係十九才子啊……喺小農社會成日認錯人!」懵橋最後放過少膽虫,真係鬆一口氣。

第一手消息請下載on.cc東方互動iPhone/iPad/Android/Windows Phone Apps

少膽虫