政壇:政商定格:陳鄭玉而叉足電做堂主

即將卸任仁愛堂主席嘅黃達東日前舉行告別派對,感謝一班兄弟姊妹出心出力,佢好有心思,用每一位堂友嘅名作咗首詩送畀對方。候任主席Connie陳鄭玉而笑言心情好輕鬆,早前已飛加拿大度假三周,叉足電先接任,未來會盡力而為,重點係關注單親家庭援助。

本身再婚嘅Connie坦言係過來人,明白到社會支援單親家庭係好重要,近年離婚率勁升,引伸出多項社會問題,佢好希望為單親家庭提供適切支援,咁就家和萬事興喇。

仁愛堂喺多年前由新界鄉議局主席劉皇發所創立,長子劉業強都做過歷屆主席,據聞下屆新增嘅十多位總理中,發叔次子劉業光都榜上有名。據聞劉業光現職公立醫院嘅骨科醫生,行蹤一向低調,之前發叔已多次叫過佢加入仁愛堂,今次終於答允,仲話未來可能為該堂義診添!

第一手消息請下載on.cc東方互動iPhone/iPad/Android/Windows Phone Apps

陳鄭玉而(右)即將接替黃達東(左)出任仁愛堂主席,心情輕鬆。