政壇：日商猛握手林健鋒傷腕

近期因釣魚島問題令中日關係劍拔弩張之際，立法會議員林健鋒尋日同一班日本商界人士開咗個港日經濟合作會議，唔知係咪因為兩國關係緊張，定係純粹日本人太熱情，大家握手時亦都緊張兼大力，搞到佢隻右手手腕傷咗，有啲隱隱作痛，要喺手腕貼藥膏布。

話說會議本來係討論港日經濟合作議題，但林健鋒自爆喺席間竟膽粗粗同人討論釣魚島嘅問題，佢質問話日本政府一方面要同中國經濟合作，但一方面喺釣魚島問題上又咁強硬，咁即係點喎？雖然佢話有與會嘅香港商界人士讚佢叻仔，問得好，但日方嘅隨團主席就指呢個係政治問題，建議討論番經濟問題來轉移視線。

不過，佢同人握手應該喺開會前，照計佢未問到釣魚島嘅問題，睇怕佢手痛都係握得手太多口者！