乘客離遠已見壞車「自殺咪攬住死」

【本報訊】在「夾心」巴士上經歷生死一線的男乘客,憶述經過時猶有餘悸:「我都睇到,冇理由佢(車長)睇唔到。車長想自殺都唔好攬住我哋(乘客)一齊死……」他稱爆胎停下的貨櫃車已亮起「死火燈」,「老遠」已見,不明白車長為何完全沒有減速或扭軚,任由巴士撞向貨櫃車尾。他又不滿巴士公司頻頻加價,卻無視車長健康狀況。

任職跟車工人的陳先生(五十七歲),昨午到長沙灣天主教墳場掃墓後,乘搭66X線九巴回家,當時他坐於下層俗稱「保齡球位」的車廂盡頭長椅中間位置,「架車(貨櫃車)已經打晒死火燈停喺度,但巴士完全無減速!我嗰陣心諗,唔係撞埋去呀?點知巴士真係撞埋去」,陳恍如保齡球般仆落車廂地上,一度昏迷。

車長遇塞車減休息時間

肇事兩架雙層九巴均屬長途線,66X路線全長三十一點九公里,行車時間約需六十五分鐘;而961線則全長三十八點二公里,行車時間約需八十分鐘。汽車交通運輸業總工會九龍巴士分會主任鄭慧君指,目前駕駛超過一小時長途線的車長,返回「站頭」後,一般有約五至十分鐘休息時間,惟當遇上塞車或繁忙時間行車,休息時間便會減少。

第一手消息請下載on.cc東方互動iPhone/iPad/Android/Windows Phone Apps