SUN世代：最大資產是卡片

區雋的辦公室書枱上，不但放滿一棟棟文件，還有一疊疊卡片。這些卡片，用公文夾分類，一疊跟一疊，整齊地放在枱角。記者好奇一問，發現他有自己一套的卡片管理理論。

「好多時候，我哋拎咗人哋卡片，就咁放喺櫃桶，唔會記得人哋係邊個，甚至以後都唔會聯絡。其實做邊行都好，人際關係為最大嘅資產，而卡片就係建立人際網絡嘅好途徑。我放喺枱度，就係想時刻提醒自己。」

因此，他不時會抽空跟卡片上的朋友聯絡，又會在卡片上記低與對方見面的日期和場合，「得十張八張就無所謂，但當你有一千張，就會好混亂，所以一定要寫低。」

在區雋眼中，人是最重要的資源，包括員工。所以，他會為公司員工提供額外培訓，又會舉辦聯誼活動，「我間房道門長期都開住，唔係想監視住班員工，而係想同佢哋傾多啲偈，就算係無聊嘢都好，做嘢最緊要開心。」