SUN搞作：黐筋網相：謹記用酒精液洗手

新沙士屢奪人命，再次喚醒大家嘅衞生意識，人人尤其關注自己雙手，因為經常都會接觸到不同嘅物件，真係好容易成為細菌嘅溫床。

小編都極為緊張，因為硬係覺得身邊人都非常之污糟，唔好以為係過分敏感，因為有人仲誇張到特登預備咗支消毒液，當睇完某本雜誌之後，一用就唔見咗大半支液體，個速度真係快到你唔信！

不過，大家又唔使咁驚青，因為依家喺好多地方都有消毒機，實在非常之方便。好似右圖咁樣，唔單止整咗個溫馨提示，提醒大家要喺食飯前清潔雙手之外，仲教埋大家點樣用添。

老老實實，淨係睇到第一點，有人為咗大家，整咗樣咁貼心、咁精益求精嘅服務，精心為大家準備咗酒精搓手液，大家用完之後，一定會精神奕奕喇！