SUN搞作：打橫嚟講：中國夢遠，發香港夢吧！

喂！各位老友，請問大家有無「夢想」？

又問：乜嘢係「中國夢」呢？而人家的「中國夢」，是否即係你心中的「中國夢」呢？哈哈！中國夢？發飽去啦！

「中國夢」係點嘅呢？哦，原來係「政府回應人民期望，維護社會公平正義」。哈哈！

「政府要『從嚴治黨』，反對一切形式主義、官僚主義、杜絕黨員幹部的享樂和奢靡之風。」吓！咁仲有「特色社會主義」嘅？

「要弘揚民族和改革精神，推進依法治國，建設法治和廉潔政府。」哦！聽到！聽了幾十年矣！

「依法治國」好呀！在北京，打香港記者、阻撓傳媒採訪的那班禽獸「國寶」，幾時伏法呢？請問？

劉曉波老婆劉霞犯了甚麼法，要被軟禁呢？再問，李旺陽朋友朱承志、李旺陽妹妹同老公做乜久唔久會被貴國「依法」請去喝茶嘅呢？

OH！NO！「國法」離題太遠了！講番香港罷啦！

香港前特首那個全名叫曾蔭權的英國爵士，涉嫌貪腐雙規嚴重，但仍去台灣喪玩呀！成何體統？

仲有，繼小官陳茂波疑似酒駕雙白線逆線行車不用告上法庭外，最近，有個號稱涼粉的高靜芝駕車雙白線爬頭又唔告喎！點睇先？

嗱嗱嗱！有個翻閹新官周一嶽間屋僭建唔理，當香港法治如無物呀！

還有一件D5的芝麻九官港台總編輯鄧忍光漠視公務員「政治中立」的法則，大搞「政治任務」，加埋一班「禍港力」擾亂香港，佢哋無一個聽話的，作為依法救國的忠實支持者，請你懲治佢哋，畀全國禍國奸官做一個demo。

這是我的「香港夢」。

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊（目及）實政府