政壇：政商定格：陳禹昌玩攀山心平氣和

中銀保誠信託行政總裁Thomas陳禹昌尋日報喜，話旗下「我的強積金計劃」轉會數字有正流入，轉頭今日就飛去尼泊爾，佢話有啲好激嘅玩意，唔啱我哋啲年輕人喎！

Thomas大爆已去過五次尼泊爾，仲話一旦試過就會上癮，瘋狂攀山！佢話攀山呢啲咁激嘅活動要心平氣和，最好就行步路、抖啖氣都慢過人；年輕人情緒大起大落，好易高山症！

聽講佢揀咗幾條路線，其中一條去到山頂有六千二百呎咁高，仲會喺山上逗留十四日，有幾日仲要紮營瞓雪地。雖然佢係攀山專家，但因為佢試過出現高山症，搞到又暈又嘔，所以今次都要量力而為嘞！