SUN搞作：網絡小說

前言：本港最近有個自稱「唔識政治嘅師奶」話唔知「國寶」會打人，引來網民派膠、恥笑、改圖……以下係熊貓爛gag兩則：

《國家機密》

襲擊記者案鬧大，有關單位突然拘報捕高行健，莫非堂堂作家係打記者真兇？高官於是出來解畫，但係告佢「尋釁滋事」罪，亦唔係告佢襲擊記者！原來佢係「洩露國家機密」，佢喺諾獎作品《靈山》寫道，「曾經有一位記者……在山下管理處誘捕到的熊貓飼養場裏，企圖摟住它合影，被一爪子抓掉了生殖器」！冇錯，國寶專打記者，真係國家機密，唔係咁多人知嘅。

《識打功夫》

某個晚上，樂樂同盈盈打大交，拳拳有勁，似乎學過功夫。管理員甲問﹕「點解國寶都識打人？」管理員乙答﹕「你真係好pure，好true！你真係唔知點解？」管理員甲一頭霧水，管理員乙賣關子﹕「咁你尋晚餵過乜畀佢吖？」管理員甲話﹕「冇餵佢食肉好耐喎，食竹都咁躁？」管理員乙﹕「咁咪出事囉，食完『夜竹』，唔識功夫都唔得啦！」管理員甲﹕「!@#$#$#$%%^！」