SUN世代：超級「韓粉」親身試妝

創辦美容行業，愛美是必須條件。只有親身試用，才會了解客人需要。Joey喜歡與客人分享扮靚心得，也會應客人需要去韓國搜羅新產品，更因此愛上韓國文化。

訪問期間Joey不時看電話，原來是客人傳來短訊，告知她對產品的用後感：「我每次入貨都會自己試用，個客用完又會畀意見我。」她亦會搜羅新產品：「近一兩年香港好流行蝸牛護膚品，後來我喺韓國見到含蜂毒嘅新產品，比蝸牛更保濕抗皺，就即刻入貨，仲賣得好好。」經常來往港、韓兩地，她更愛上韓國飲食文化：「韓國人好識得養生，食飯都食得好清淡。」她笑說自己也受韓國的飲食文化影響，口味變得清淡！