SUN搞作：黐筋網相：N記，憤怒鳥！

依家啲潮人，用緊嘅唔係「哀瘋」，就係「三叔」手機。但係喺小編心目中，神機永遠只有一部，佢就係N記嘅3310，淨係跌極都唔爛呢一點，就已經頂呱呱。不過唔少人都會話，呢部機最大嘅缺點係無game玩，玩嚟玩去都係貪食蛇，真係悶到嘔。

如果你咁諗，就真係大錯特錯，從右圖所見，呢部機明明就玩到Angry Bird，雖然畫面仲係點像方式，而且仲要有啲細，可能仲要用鍵盤嚟玩（唔排除已經進化成輕觸式螢幕嘅可能性），但已經可以擺脫淨係可以玩到貪食蛇嘅污名！

所以話，大家長期以來睇小呢部機，N記點會唔憤怒鳥呢！